ВОЛЯ
Што ёсць воля нашага народа,
Не забыўся што, як вольным быць?
Хутка свята – новая нагода
Нам пра гэта зноў пагаварыць.
Наша воля – гэта незалежнасць
Целам, розумам, мараллю ды душой.
Перамогі нашай непазбежнасць.
Разуменне, хто ты ёсць такой.
Нежаданне жыць у дыктатуры,
Гонар наш, нязломны, як скала.
Нянавісць да кратаў ды цэнзуры,
Да дурнога ўладнага быдла.
Наша воля – перш за ўсё адказнасць
За Краіну. Ты матай на вус!
Нездарма ў беларусаў яснасць,
Што з нас кожны беларусу беларус.
Наша воля – матчына каханне
Да дзяцей, да мовы, да Зямлі.
Кожны дзень для вольных – выхаванне,
Каб заўсёды годнымі былі.
Наша воля – гэта вызваленне
Ад фашысцкіх цесных кайданоў.
Барацьба й са злом не прымірэнне…
Наша воля – да людзей любоў.
ᅠ