Акадэмія навук запусціла шыкоўны партал беларускіх казак — можна пачытаць і паслухаць у арыгінальных запісах
Мы прывыклі ўспрымаць казкі як тэксты ў дзіцячых кніжках, але іх сапраўдная прырода — у жывым голасе апавядальніка, які мы, здавалася, страцілі назаўжды.
Аднак Цэнтр даследаванняў беларускай культуры, мовы і літаратуры Акадэміі навук зрабіў амаль немагчымае — стварыў унікальны партал, дзе сабраныя не толькі тэксты, але і аўдыязапісы беларускіх казак з 1960‑х гадоў. І гэта не проста чарговы акадэмічны рэсурс, а сапраўдны лічбавы помнік вуснай традыцыі.
