А вы ўжо бачылі новы кліп гурта Syndrom Samazvanca, у якім танчыць Сяргей Пукст? Музыкі зладзілі кал…

Музыкі зладзілі калядаванне сярод лета ў цэнтры Варшавы і ператварылі гэта ўсё ў музычнае відэа.

Для відэа быў абраны трэк “Pa-za hajem”, у якім спляліся калядныя / шчадроўныя беларускія матывы і рытмы ды гітары з афрыканскага року. Ідэя палягала ў тым, каб нягледзячы на тую рэчаіснасць, якая штодня ўрываецца ў нашыя жыцці бруднымі ботамі, намагаецца патаптаць, параніць і ўдарыць, паспрабаваць ухапіць за хвост сонца, нешта беспадстаўна, нават часам, бяздумна пазітыўнае і радаснае. Хай сабе хоць на 5 хвілін, пакуль гучыць песня.

“Pa-za hajem” — адзін з трэкаў новага альбома гурта “Магайба”, у якім музыкі звярнуліся да беларускіх народных песень і зміксавалі іх з блюзам, псіхадэлікам, краўтрокам і ракабілі. Паслухаць лонгплэй, некаторыя трэкі ягога трываюць 16 хвілін, можна на ўсіх стрымінгавых пляцоўках.

https://www.youtube.com/watch?v=M8kWKWMql3s