Праверце налады вашага Telegram! У Расіі з’явіўся інструмент, які паразітуе на функцыі “Знайсці людзей побач” і паказвае месцазнаходжанне ў рэжыме рэальнага часу.

Праграма “забяспечвае дакладнае адсочванне ў межах 50-100 метраў, карыстальнікі могуць сачыць за іншымі людзьмі ў мэтах лагістыкі ці бяспекі”.

Па змоўчанні такая функцыя адключаная. Калі раптам вы пабачыце, што ў вашым акаўнце яна актыўная, хутчэй яе выключайце: знайсці яе можна ў асноўным меню, націскаючы тры гарызантальныя палоскі.