#Слоўнічак: ІНСТРУМЭНТЫ (1)па-расейску — па-беларуску:лопата — рыдлёўкасовковая лопата — шуфаль (або…

#Слоўнічак: ІНСТРУМЭНТЫ (1)

па-расейску — па-беларуску:

лопата — рыдлёўка
совковая лопата — шуфаль (або шуфель)
топор — сякера
уровень (ватерпас) — ґрунтваґа
рубанок — гэбаль (або гэбель)
верстак (станок) — варштат

ДЛЯ ЦІКАЎНЫХ — ПАДРАБЯЗНА:

1. Рыдлёўка і лапата — сынонімы ў літаратурнай мове. У дыялектах:
• рыдлёўка ў сярэднебеларускіх гаворках;
• лапата на ўсходзе;
• жалязьняк, зелязьняк і падобныя — на поўдні, усходзе.
Але ставяць у печ хлеб толькі на драўлянай лапаце.

2. Ад шуфля паходзіць шуфлік (рас. совок, але не ў сацыяльна-псыхалягічным значэньні ).

3. Сякера і тапор — сынонімы. У некаторых гаворках сякера (сакера) лёгкая, для абчэсваньня, тапор цяжкі, для сьсяканьня.
Рас. тесак — бел. склюд (шклюд, склют), цясьлярская сякера для бярвеньня.

4. Поруч з ґрунтваґай у гаворках ёсьць васарваґа. Гукі Ґ — выбухныя, як у слове ґанак.

5. Варштат азначае таксама ўсякі станок, месца працы: пісьменьніцкі варштат.

Шуфаль, ґрунтваґа, васарваґа, гэбаль, варштат — даўнія германізмы.