Блёк «Воля», а таксама мэдыя-каманда брэнду «НАРОДНЫЙ РЕПОРТЁР» прызнаныя «экстрэмісцкімі фармаваньнямі»

Як стала вядома праваабаронцам, 6 траўня КДБ прыняў рашэньне прызнаць «экстрэмісцкімі фармаваньнямі» чатыры групы на выбарах у Каардынацыйную Раду: «Воля / Рух Воля / Блок Воля», «Закон і правапарадак», «Эўрапейскі выбар« і «Моладзевы Наступ». Праект «Народный Репортёр» быў прызнаны такім фармаваньнем ажно ў трэці раз!

У дакумэнце таксама ўказаныя больш за 80 асобаў, зьвязаных з вышэйзгаданымі кааліцыямі.

Што гэта значыць для падпісантаў гэтага каналу?

Усе падпісанты гэтага каналу могуць прызнавацца ўдзельнікамі экстрэмісцкага фармаваньня і стаяць пад рызыкай прыцягненьня да адказнасьці паводле артыкулаў Крымінальнага кодэксу Беларусі.

Калі вы знаходзіцеся ў Беларусі ці плянуеце яе наведваць, абавязкова прытрымлівайцеся ўсіх захадаў лічбавай бясьпекі пры атрыманьні інфармацыі з вышэйзгаданых крыніцаў і ў камунікацыі з прадстаўнікамі гэтых арганізацыяў.

Падзею камэнтуе лідар блёку «Воля» Аляксандар Клачко.