Беларуская вызвольная армія (БВА) — грамадзка-палітычная арганізацыя, якая мае вайсковы складнік. У склад БВА асобна або калектыўна ўваходзяць прадстаўнікі шырокага кола патрыятычных сілаў: удзельнікі вайсковых і парамілітарных фармаваньняў, грамадзкіх і палітычных арганізацыяў, якія падзяляюць агульныя мэты і стратэгію БВА.
БВА падтрымлівае кансалідацыю беларускіх дэмакратычных сілаў, прызнае ўнёсак палітычных цэнтраў у барацьбу зь незаконным рэжымам у Беларусі, але з’яўляецца самастойнай арганізацыяй. БВА імкнецца да фармаваньня адзінага беларускага нацыянальна-вызвольнага руху, які, безумоўна, мае палітычныя мэты, у тым ліку садзейнічаньне прыходу да ўлады дэмакратычных сілаў і ўдзел у фармаваньні органаў улады.
БВА фінансуецца шляхам адкрытага, легальнага прыцягненьня сродкаў і збору сродкаў ад асабовага складу БВА. Таксама БВА арганізоўвае выпуск лічбавых бондаў (токенаў) з мэтаю забеспячэньня вайсковага будаўніцтва і выкананьня баявых і палітычных задачаў.
Беларуская вызвольная армія з’яўляецца складнікам агульнага дэмакратычнага руху Беларусі, з павагай і разуменьнем ставіцца да усіх вядомых цэнтраў і асобных гульцоў на палітычнай мапе краіны і замежжа. Больш за тое, БВА імкнецца да плённага супрацоўніцтва, каардынацыі і ўзаемадапамогі паміж беларусамі.
Беларуская вызвольная армія — праект сучаснасьці і будучыні. Аднак, нягледзячы на свой невялікі ўзрост, БВА ўжо атрымала буйную перамогу над раз’яднанасьцю, адсутнасьцю дыялёгу і супрацоўніцтва паміж беларускімі добраахвотніцкімі фармаваньнямі, ваеннымі і парамілітарнымі структурамі беларускага дэмакратычнага руху.
Старонка блёку «Воля» на плятформе «Новая Беларусь»