8 пытаньняў і адказаў пра блёк «Воля»1⃣ Тры галоўныя выклікі, якія стаяць перад Беларусьсю с…

8 пытаньняў і адказаў пра блёк «Воля»

1⃣ Тры галоўныя выклікі, якія стаяць перад Беларусьсю сёньня?

Існаваньне Беларусі, як палітычнага суб’екту, вынішчэньне беларускай нацыі, калапс дэмакратычнай прававой сыстэмы.

2⃣ Тры галоўныя праблемы, якія перашкаджаюць беларускім дэмакратычным сілам адказваць на гэтыя выклікі?

Адсутнасьць эфэктыўнай супрацы паміж Офісам Сьвятланы Ціханоўскай, Аб’яднаным пераходным кабінэтам і Каардынацыйнай Радай. Недастатковая празрыстасьць і падсправаздачнасьць у працы гэтых органаў, а таксама недастатковае ўцягваньне беларускага грамадзтва ў прыняцьцё важных рашэньняў.

3⃣ Варта ўзмацняць санкцыі ў дачыненьні да злачынцаў беларускага рэжыму, ці наадварот, варта іх адмяняць у абмен на вызваленьне палітвязьняў?

Мы падтрымліваем санкцыі супраць паплечнікаў рэжыму Лукашэнкі. Пры гэтым, неабходна ствараць умовы для немагчымасьці абыходу гэтых санкцыяў. Адмена санкцыяў у абмен на вызваленьне палітвязьняў не вырашае пытаньня спыненьня рэпрэсыяў. Толькі зьмена рэжыму прывядзе да вызваленьня ўсіх палітвязьняў і спыніць далейшыя рэпрэсыі.

4⃣ Якое вашае стаўленьне да ініцыятываў ЛГБТК+?

Мы паважаем асабісты выбар кожнага чалавека і гатовыя да супрацоўніцтва з усімі суполкамі дзеля дасягненьня агульнай мэты.

5⃣ Ці неабходная прыватызацыя дзяржаўных прадпрыемстваў?

Так, мы выступаем за рэгуляваную і кантраляваную прыватызацыю дзяржаўных прадпрыемстваў.

6⃣ Ці неабходная люстрацыя ў Беларусі?

Так, люстрацыя неабходна. Люстрацыя павінна прымяняцца да тых, хто ўдзельнічаў у палітычных рэпрэсыях.

7⃣ Ці з’яўляецца Беларусь саўдзельніцай у вайне Расеі супраць Украіны?

Беларусь знаходзіцца пад гібрыднай акупацыяй. Саўдзельнікам Расеі ў вайне супраць Украіны ёсьць рэжым Лукашэнкі.

8⃣ Ці падтрымліваеце вы легалізацыю ці дэкрыміналізацыю ўжываньня канабісу ў Беларусі?

Мы выступаем за перагляд адказнасьці па артыкуле 328 Крымінальнага кодэксу, асабліва ў дачыненьні да непаўнагадовых. Мы падтрымліваем дэкрыміналізацыю ўжываньня канабісу і яго легалізацыю для выкарыстаньня ў мэдыцыне.