Анлайн-курс “Радавод: аднаўляем гісторыю сваёй сям’і і краіны” ад Нацыі лідэраўБясплатны анлайн-курс…

04.11.2025sekktor | магчымасці для культурных і творчых людзей Беларусі

Анлайн-курс “Радавод: аднаўляем гісторыю сваёй сям’і і краіны” ад Нацыі лідэраў

Бясплатны анлайн-курс, які дапаможа вам крок за крокам аднавіць сямейнае дрэва і ўбачыць, як лёсы продкаў звязаныя з гісторыяй Беларусі.

Старт 8 патоку: 10 лістапада (2 месяцы, 8 модуляў).
Фармат: відэалекцыі да 30 хвілін + канспекты; практычныя заданні: пошук дакументаў, інтэрв’ю са сваякамі; групавыя вэбінары з выкладчыкам.

Праграма:
– Генеалагічнае дрэва — асноўныя паняцці, структура, план дзеянняў
– Сямейны архіў — дакументы, фота, лісты, прынцыпы захоўвання
– Праца са сваякамі — як праводзіць інтэрв’ю, збіраць гісторыі
– Лінія часу і прасторы — як накласці гісторыю роду на карту
– Палявыя даследаванні — могілкі, музеі, мясціны продкаў
– Інтэрнэт-пошук — карысныя сайты і базы дадзеных
– Архівы — дзе і як шукаць звесткі
– Вынікі — як стварыць радаводную кнігу.

Аўтар курса: Ігар Станкевіч, журналіст.
Прафесійны досвед: Ігар – даследчык гісторыі сталінскіх рэпрэсій, аўтар кнігі “Гісторыя роду Каменскіх” (аднаго з родаў сваіх продкаў). Ужо чвэрць стагоддзя захапляецца генеалогіяй. Ігар дапамагае людзям шукаць дадзеныя пра іх рэпрэсаваных сваякоў і вяртае з небыцця гісторыі цэлых сем’яў. За гэты час ён даведаўся праўду і пра сваю сям’ю, дзе не меней за 30 чалавек былі расстраляныя ці сасланыя ў лагеры.

На курсе Ігар падзеліцца сваімі ведамі, як і дзе збіраць інфармацыю пра продкаў, як верыфікаваць сямейныя легенды і паданні, дзе акумуляваць атрыманыя звесткак.