By yury samko 
МІНЕАПАЛІС, Сакавік 2025 — Беларуская супольнасць у ЗША атрымала важную і пазітыўную навіну: Беларускі Цэнтр у Мінеапалісе выходзіць на новы этап устойлівага развіцця і самаакупальнасці. Павел Сакурэц, кіраўнік ініцыятывы, паведаміў пра падпісанне арэнднага дагавору на 11 месяцаў, згодна з якім палова першага паверха Цэнтра будзе здавацца ў арэнду.
Паводле разлікаў, арэндная плата пакрые ўсе штомесячныя выдаткі на ўтрыманне будынка — каля $3,500. Гэта азначае, што рэгулярная фінансавая дапамога на камунальныя паслугі і іншыя бягучыя выдаткі больш не патрабуецца.
«Усім вялікі дзякуй, хто дапамагаў у гэты складаны час. Ваша падтрымка была вельмі важнай! Цяпер перад намі новая мэта — завяршыць рамонт канцэртнай залі і прыбіральняў, каб мець магчымасць праводзіць уласныя імпрэзы і мерапрыемствы. На гэта патрэбна каля $100,000», — адзначае Павел Сакурэц.
Паводле падлікаў за сакавік:
- Беларуская і амерыканская супольнасць ахвяравала $1,000
- Агулам з пачатку праекта сабрана каля $15,000
- Штомесячныя выдаткі на будынак застаюцца на ўзроўні $3,500
Павел таксама звяртаецца да тых, хто жадае дапамагчы як валанцёр з рамонтнымі працамі. Усе ўдзельнікі могуць атрымаць афіцыйны дакумент, які пацвярджае іх унёсак у выглядзе працы — і які можна далучыць пры запаўненні падатковай дэкларацыі.
Таксама ён нагадвае: калі ў вас яшчэ ўключаны аўтаматычны данат праз PayPal, вы можаце яго адмяніць — пакуль у гэтым больш няма неабходнасці. Але калі ёсць жаданне падтрымаць менавіта рамонт канцэртнай залі — усе прапановы вітуюцца.
«Над будынкам цяпер лунае наш бел-чырвона-белы сцяг. Гэта не проста тканіна — гэта сімвал веры, адзінства і Перамогі, якая абавязкова прыйдзе», — дадае Павел.
🛠 Калі вы хочаце далучыцца да валанцёрскай каманды ці падтрымаць праект — пішыце непасрэдна Паўлу Сакурцу.