“ДЗЕ МІКАЛАЙ СТАТКЕВІЧ?”Ужо год у рэжыме інкамунікада! Навіны пра бясконцыя катаванні палітвязняў, П…

“ДЗЕ МІКАЛАЙ СТАТКЕВІЧ?”

Ужо год у рэжыме інкамунікада! Навіны пра бясконцыя катаванні палітвязняў, ПКТ, ШІЗА і невыносныя ўмовы ўтрымання, прымусовую працу, магчыма смерць. На патрабаванні спатканняў масавыя затрыманні сваякоў палітычных вязняў https://t.me/narodnaya_hramada/9245

Мы патрабуем рэакцыі ад дэмакратычных сілаў, паколькі супраць рэжыму ў Беларусі не ўведзена дзейсных санкцый, накіраваных на абарону правоў чалавека. Неабходна выправіць сітуацыю і прадухіліць новыя памылкі, якія прывядуць да страты незалежнасці Беларусі і нават магчымага паглынання яе расіяй. Мы лічым, што пабудова бяспекі ў Еўропе немагчымая без незалежнай дэмакратычнай Беларусі. расія заўсёды была, ёсць і будзе агрэсарам, гэты яе натуральны стан.

Санкцыі працуюць. У 2015 годзе міжнароднае ўмяшанне ў справу Мікалая Статкевіча прымусіла рэжым вызваліць зняволенага з “умовай” і санкцыйная палітыка была аслаблена. Вынікам “умовы” стаў новы тэрмін – 14 гадоў асобнага рэжыму для Мікалая Статкевіча і поўная адсутнасць інструментаў уплыву з мэтай абароны правоў чалавека ў Беларусі. Таму сёння перамовы з рэжымам немагчымыя, а неабходнасць санкцыяў даведзеная. Дыктатар больш не з’яўляецца палітычным суб’ектам, фактычна гэта васал крамля. Толькі дзейсныя санкцыі, аж да поўнага закрыцця межаў для руху кітайскага і расійскага транзіту, калі масква вымушана будзе прымусіць беларускі рэжым вызваліць палітычных зняволеных і спыніць рэпрэсіі.

Каманда Народнай Грамады працуе на ўсіх узроўнях. Мы ўдзячныя кожнаму палітыку, журналісту,блогеру, праваабаронцу…На дадзены момант у актыве міжнароднай супольнасці шэраг рэзалюцый і заяваў палітычных сілаў:

https://t.me/narodnaya_hramada/9146

https://t.me/narodnaya_hramada/9077

https://t.me/narodnaya_hramada/9269

https://t.me/narodnaya_hramada/9247

Мы дзякуем кожнаму, хто адгукнуўся на наш ЗАКЛІК
Працягвайце дасылаць словы падтрымкі палітвязням і звароты да міжнародных арганізацый. Мы апублікуем іх на ўсіх даступных нам інфармацыйных рэсурсах.

СВАБОДУ ПАЛІТВЯЗНЯМ!

ЖЫВЕ БЕЛАРУСЬ