Гісторыя смелай беларускі Сьвятланы Гацко, якая 33 гады адпрацавала на чыгуначнай станцыі Шабаны. А ў чэрвені яе звольнілі за «прагулы» ды адмовілі ў аднаўленьні на працы.
Чатырохгадовы ўнук Міша, які разам з затрыманай бабуляй прабыў да вечара ў Заводзкім райаддзеле міліцыі, шмат чаго там нагледзеўся і добра памятае той дзень: «Нядаўна ехалі зь ім міма райаддзелу, дык ён пазнаў будынак і кажа: «Бабуля, ты больш туды не трапляйся!».
Менскі гарадзкі суд 11 лістапада не задаволіў пазоў Сьвятланы Гацко да Беларускай чыгункі аб прызнаньні незаконным яе звальненьня і аднаўленьні на працы. «У канцы спытала судзьдзяў, чаму гэтак несправядліва судзяць, дык паўцякалі ад мяне», — расказала Сьвятлана…
