Затрыманы вядомы беларускі тыктокер lexmask, які рабіў кантэнт на беларускай мове, у тым ліку трапля…

Затрыманы вядомы беларускі тыктокер lexmask, які рабіў кантэнт на беларускай мове, у тым ліку трапляліся тыктокі і пра гісторыю.

7 чэрвеня ГУБАЗіК затрымаў TikTok-блогера lexmask, на якога падпісаныя 57,7 тысячы чалавек. Пра гэта сілавікі паведамілі ў сваім тг-канале.

Сцвярджаецца, што хлопца затрымалі праз тое, што ён “хайпаваў на ваенным канфлікце”. Таксама сілавікі напісалі, што спецыялісты дадуць ацэнку “публічным выказванням тыктокера, а таксама згодзе выконваць указанні байпаліцаяў”.