«Белсат» сцвярджае, што ім удалося падлічыць, колькі людзей было ў базе ЧКБ і гэта «не менш за 10 000 асобаў».Журналісты «Белсат» выказваюць меркаванне, што не ўсіх людзей па справе ЧКБ яшчэ затрымалі. Тых, хто пісаў, пад сваімі рэальнымі прозвішчамі ці са сваімі фота — верагодна, так. Іх было проста ідэнтыфікаваць. Тых, хто дасылаў здымкі пратаколаў ці судовых пастаноў, таксама няцяжка вылічыць — там ёсць іх даныя.
А вось ёсць яшчэ тыя, над якімі вісіць пагроза. Гэтыя людзі мелі ананімны тэлеграм і не дасылалі асабістыя звесткі ЧКБ. Усё, што ведае пра іх ГУБОП, — іх унікальны ID-нумар. Але гэта можа быць пытаннем часу, калі іх раскрыюць.
Паводле «Белсата», 23 мая 2021 года, у дзень пасадкі самалёта, на якім ляцеў Раман Пратасевіч, супрацоўнік ГУБАЗіКа Артур Гайко не быў раскрыты. Ён быў адміністратарам ЧКБ і меў доступ да базы да 12 ліпеня. Усе лічылі, што інфармацыя выцекла ад Пратасевіча і Сапегі.
https://youtu.be/PebsGzibhd8?t=581 
By Belkorpus 