By Belkorpus 
Платформа Belarus ID, распрацаваная камандай Паўла Лібера для выбараў у КР, уяўляе сабой рашэнне для верыфікацыі чалавека і галасавання анлайн. Менавiта праз яе будзе адбывацца галасаванне на выбарах КР 25-27 мая.
Прылада дапаможа вам зрабіць свой выбар лёгка, хутка, проста. Прытрымліваючыся нескладаных інструкцый, любы грамадзянін Беларусі справіцца з усімі этапамі.
Прылада зʼявіцца ў Арр Store i Google Play Market ужо 20 мая.
Асаблівасць платформы — дэцэнтралізацыя захоўвання дадзеных: дзякуючы выкарыстанню тэхналогіі “блокчейн” не ствараецца цэнтральнае сховішча дадзеных, а адпаведна няма адзінага пункта захоўвання дадзеных як аб’екта для патэнцыйнай атакі або крадзяжу. Кожны чалавек пасля праверкі асобы захоўвае свае асабістыя дадзеныя толькі ў сябе ў тэлефоне.
Асноўны модуль праверкі асобы працуе праз праверку беларускага пашпарта, сканіраванне асобы ўладальніка і супастаўлення атрыманай выявы з пашпартам.
Для карыстальніка гэта выглядае як спампоўка прылады Belarus ID, праходжанне ў ёй працэдуры праверкі асобы і магчымасць прагаласаваць прама ў гэтай прыладзе.
Для праверкі асобы трэба будзе адсканаваць апошнюю старонку беларускага пашпарта, а пасля — асобу ўдзельніка галасавання. Алгарытмы вызначаць, што асоба з’яўляецца сапраўднай (не фота ці відэа) і супадае з прадстаўленым беларускім пашпартам.
Для дадатковай бяспекі для карыстальнікаў даюцца інструкцыі, як выдаліць прыладу з гісторыі загрузак, каб не заставалася ніякіх слядоў запампоўкі і карыстання.
Прылада будзе апублікавана ў выглядзе Open Source рашэння з праходжаннем аўдыту бяспекі. Дадзены модуль з’яўляецца самым надзейным і дазваляе дабіцца максімальнай ступені праверкі унікальнасці карыстальнікаў і іх грамадзянства пры захаванні ананімнасці.
19 мая адбудзецца Вялікая палітычная канферэнцыя.
Выбары ў КР пачнуцца 25 мая і працягнуцца 3 дні — да 23:59 27 мая. Пытанні наконт выбараў пішыце на электронную пошту [email protected]. Падрабязнасці пра выбары — па спасылцы.