У Беларусі рыхтуюцца судзіць Каліноўцаў
Працэс мае пачацца 28 студзеня ў Менскім гарадскім судзе.
Сярод абвінавачаных — былы камандзір палка Павел Шурмей, былы намеснік камандзіра Вадзім Кабанчук, а таксама байцы і інструктары падраздзялення. Ім інкрымінуюць шэраг цяжкіх артыкулаў, у тым ліку «акт тэрарызму», «распальванне варожасці» і «дыскрэдытацыю Рэспублікі Беларусь».
У Беларусі полк Каліноўскага прызнаны тэрарыстычнай арганізацыяй. Само падраздзяленне было створана вясной 2022 года і ўваходзіць у склад Узброеных сіл Украіны.