На пытаньне Дзьмітрыя Гурневіча, ці не «прагледзелі» у 1994 Лукашэнку, мой адказ – пра Лукашэнку было сказана ўсё. І найбольш гучна – у верасьні 1993 Васілём Быкавым. У тым ліку і пра імкненьне адрадзіць СССР. А дэпутаты Апазыцыі БНФ у кастрычніку 93-га патрабавалі пазбавіць яго дэпутацкіх паўнамоцтваў – але Шушкевіч нават не паставіў нашу прапанову на галасаваньне.

Праблема ў тым, што большасьць насельніцтва якраз і жадала вяртаньня ў СССР, яно яшчэ не ўспрымала Незалежнасьць як каштоўнасьць. Калі ўжо Быкава народ не жадаў слухаць…

Існавала толькі адна магчымасьць прадухіліць самазабойства электарату – ня ўводзіць прэзыдэнцтва, супраць якога дэпутаты Апазыцыі БНФ і выступалі. Мы блякавалі галасаваньне, але нашых галасоў не хапіла; у Кебіча з аднаго боку, Ганчара, Булахава і іншых «маладых ваўкоў» з другога – былі свае інтарэсы, бясконца далёкія ад інтарэсаў беларускай нацыі. Дарэчы, менавіта Ганчар і «прапіхнуў» зьніжэньне ўзроставага цэнзу з 40 гадоў да 35 (на момант выбараў Лукашэнку было 39).

https://www.youtube.com/watch?v=E007GzD7FPM