Рэпетытараў ды іншых самазанятых хочуць істотна абмежаваць у працы. Адпаведны законапраект вынесла на грамадскае абмеркаванне Міністэрства адукацыі.
У законапраекце прадугледжваецца, што рэпетытарскія заняткі і паслугі настаўніка-дэфектолага павінны будуць адбывацца толькі індывідуальна. Навучацца рабоце на персанальным камп’ютары, выяўленчаму мастацтву, музыцы, танцам, вакалу, прамоўніцкаму мастацтву можна будзе толькі паўналетнім асобам і ў групах не больш за чатырох чалавек.
Асобна адзначаецца, што рэпетытарам пры дыстанцыйным навучанні будзе не дазволена карыстацца падчас навучання Zoom ды іншымі «небеларускімі» рэсурсамі, а толькі «інфармацыйнымі сеткамі, сістэмамі і рэсурсамі нацыянальнага сегмента сеткі Інтэрнэт, размешчанымі на тэрыторыі Рэспублікі Беларусь і зарэгістраванымі ў вызначаным парадку».
Грамадскае абмеркаванне праекта працягнецца да 10 красавіка.