By Belkorpus 
З «Галерэі славы» БДУ зьнікла згадка пра сваяка Мікіты Міхалкова. Падчас вайны ён кіраваў у Менску нацысцкай партыяй
У верасьні Свабода пісала, што падчас ІІ сусьветнай вайны Канчалоўскі кіраваў у Менску нацысцкай партыяй, быў ідэолягам саюзу Трэцяга Райху з Расеяй і асуджаў Нюрнбэрскі працэс. У публікацыі БДУ пра гэта тады ня згадвалася. Увесь ваенны пэрыяд жыцьця Канчалоўскага зьмешчаны ў адзін сказ: «У гады Вялікай Айчыннай вайны Д. П. Канчалоўскі зь сям’ёй знаходзіўся на акупаванай фашыстамі тэрыторыі, летам 1944 г. яму ўдалося выехаць спачатку ў Бэрлін, а потым у Парыж, дзе ён пасяліўся ў сваёй сястры».