By Belkorpus 
Жыхароў вёскі Глуша ў Бабруйскім раёне тры дні тэрарызаваў бабёр. Дзікая жывёла шыпела, кідалася на навакольных і не пакідала ўскраіну пасёлка.
Пасля скаргаў жыхароў на месца выехаў ляснічы Ілля Дудаль. Па яго словах, гэта быў малады бабёр. Верагодна, звер шукаў новае месца для жыцця, таму і зайшоў на ўскраіну пасёлка.
Выгнаць яго мясцовыя жыхары не здолелі. Бабры вельмі небяспечныя і могуць нанесці зубамі сур’ёзныя раны. У выніку жывёлу перавезлі да бліжэйшай рэчкі.