Вайна не сканчаецца ў дзень, калі чалавек вяртаецца дадому.
Добраахвотнікі, якія ваявалі ва Украіне, пасля вяртання сутыкаюцца з адзінотай, маўчаннем і адсутнасцю падтрымкі, у якой сапраўды маюць патрэбу.
2 лістапада ў Вільні адбудзецца круглы стол пра дапамогу добраахвотнікам.
Мы збіраем ветэранаў, валанцёраў, спецыялістаў, прадстаўнікоў арганізацый, каб адкрыта і грунтоўна пагаварыць пра тое, што адбываецца пасля вяртання з вайны.
Гэта будзе размова пра адказнасць супольнасці і пра тое, як падтрымліваць тых, хто вярнуўся — без гераізацыі і без замоўчвання.
Мы прапануем пачуць і зразумець гэтых людзей і разам шукаць спосабы, як грамадству быць з імі побач — не праз простыя словы спачування, а праз адказныя дзеянні і сапраўдную салідарнасць.
