30 студзеня 1667 года Андрусаўскае перамірʼе паміж Рэчу Паспалітай і Масковіяй скончыла 13-гадовую вайну, вядомую як “Крывавы патоп”.
На тэрыторыі ВКЛ толькі дзве крэпасьці засталіся непадкоранымі (Ляхавічы і Слуцк). Цікава, што Магілеў і Мсціслаўль былі вызваленыя мясцовымі жыхарамі.
Пераломны момант вайны – параза маскоўскіх войскаў у 1660 пад Палонкай. Па выніках вайны, насельніцтва Беларусі ў сучасных межах скарацілася ўдвая, Смаленск і Левабярэжная Украіна перайшлі да Масковіі. Вільня і Менск моцна пацярпелі ад руйнаванняў.
