Сёння Дзень памяці Сымона Шыдлоўскага (XIX ст. – 10.03.1906) – харунжага Віцебскай зямлі, ветэрана паўстання 1863.
Скончыў ваенную акадэмію ў Санкт-Пецярбургу. Служыў у арміі Расейскай імперыі. Канец ваеннай кар’еры адбыўся ў 1861 годзе.
Быў абраны харунжым Віцебскай зямлі. Падчас цырымоніі яму была ўручана Віцебская харугва.
Сымон Шыдлоўскі ўдзельнічаў у паўстанні 1863 г. (паўстанне Каліноўскага). Быў паранены ў бітве пад горадам Аўгустаў. Эміграваў пасля паўстання. Жыў і памёр ў Львове.
На ягоным помніку на Львоўскіх Лычакоўскіх могілках выбіты словы: «З НАШАГА ПРАХУ ПАЎСТАНУЦЬ МСЦІЎЦЫ!» (ніжэй, пад помнікам, змешчаны спісы ўдзельнікаў паўстання 1863 года).
