Пост салідарнасці

Беларусы і беларускі, як ніхто, умеюць быць салідарнымі і падтрымліваць адн_а адн_у. У эміграцыі ў кожна_й з нас шмат пытанняў і праблем, якія трэба вырашаць штодня. Аднак нам хацелася б нагадаць пра тых, хто кожны дзень спрабуе выжыць і не згубіць сябе за кратамі. Гэта больш за 1700 палітзняволенных. Хочацца, каб хваля салідарнасці з гэтымі людзьмі не спынялася!

Што можна зрабіць, каб падтрымаць палітвязняў і палітвязынак:

самае простае і карыснае — гэта напісаць ліст ці падпісаць паштоўку
Вы можаце зрабіць гэта смастойна, а можаце прыйсці ў «Кропку» і падпісаць паштоўку тут. Дзякуючы Майстэрні паштовак салідарнасці ў нас ёсць жоўтая скрыня, дзе можна падпісаць і адправіць паштоўку адразу на месцы. Паштоўкі і маркі не патрэбны — ўсе матэрыялы прадастаўляем.

распавядаць пра палітзняволеных у сваіх сацыяльных сетках

данаціць сем’ям палітзняволеных ці падтрымліваць ініцыятывы, якія ім дапамагаюць

рабіць мерапрыемствы ці акцыі салідарнасці ў сваім горадзе/вёсцы

Абавязкова памятайце пра сваю бяспеку.

Наша моц у салідарнасці.