Знаёмая сітуацыя: калі жанчына хатняя гаспадыня, то пра яе кажуць «сядзіць на шыі ў мужа», а калі мае амбіцыі ў прафесіі, то «кар’eрыстка, не думае пра сям’ю».

Або вось прыклад: калі мужчыну не моцна клапоціць яго знешні выгляд, то пра яго скажуць «неахайны», а калі робіць маскі для твару і манікюр, то «не мужчына ён зусім».

Такія перакананні трывала заселі ў нашым жыцці і сталі практычна незаўважныя. Запрашаем вас іх абмеркаваць.

Дыскусійны клуб – гэта месца, дзе ёсць магчымасць абмеркаваць сацыяльна-значныя тэмы, выказаць свой пункт гледжання і пачуць супрацьлеглы. Клуб прытрымліваецца прынцыпу недыскрымінацыі, а таксама каштоўнасцяў павагі і падтрымкі, рознасці меркаванняў, прыняцця досведу і пачуццяў іншых.


Удзел вольны, просім зарэгістравацца.
28 сакавіка, 19:00-21:00
Мовы клуба: беларуская і руская
Месца: Тбілісі (падрабязнасці пасля рэгістрацыі)