Майстар-клас па зінах 2.0

Для тых, хто не паспеў мінулым разам – запрашаем у нядзелю на новы майстар-клас па зінах.

Зіны — міні-часопісы, раздрукаваныя і апублікаваныя сваімі сіламі.

Гэтым разам зноў будзем рабіць міні-зіны на 8 старонак і прапануем сабраць зборнікі паўсядзённых падсвядомых думак.

Бярыце на майстар-клас разнастайныя дробязі: нататкі, квіткі, адрыўныя старонкі календароў, паперкі з краказябрамі, якія малююцца самі сабой, пакуль размаўляеце па тэлефоне. Таксама прыхапіце фламастары і алоўкі.

Занятак правядзе Даратэя — ux-райтарка.

Удзел вольны. Запіс да @tomianara

26 сакавіка 14:00-16:00
Месца: Тбілісі, 500м ад плошчы Свабоды (адрас даведаецесь пасля рэгістрацыі)