Аднойчы ў «U» — віртуальнай рэальнасці з 5 мільярдамі карыстальнікаў — «завірусілася» песня невядом…

Аднойчы ў «U» — віртуальнай рэальнасці з 5 мільярдамі карыстальнікаў — «завірусілася» песня невядомай дзяўчыны пад нікам «Бэл». Усё сеціва гадае, хто ж хаваецца за яе прыгожым аватарам. Адначасова ў «U» ходзяць чуткі пра пачварнага «Цмока», які брудна б’ецца на арэне ды ладзіць правакацыі…

Аб’яднаўшы разам школьную драму, ідэю «інтэрнэту будучыні» ды казку пра прыгажуню й пачвару, рэжысёр Мамору Хасода раскрывае сур’ёзныя тэмы ўлады, гвалту, траўмы, але ж не забываецца й на гумар. Яскравасці дадае голас соўл-спявачкі Кахо Накамуры, якая агучыла галоўную ролю. На Канскім фэсце-2021 фільм сарваў 14-хвілінныя авацыі.

Мова — беларуская (дубляж + субтытры песень)

Можна прыходзіць бацькам з дзецьмі 13+

Удзел вольны, запіс праз форму

9 красавіка 17:00–19:30
Месца: Тбілісі, 500м ад пл. Свабоды (адрас дашлем усім зарэгістраваным)