17 траўня адзначаецца Міжнародны дзень барацьбы з гамафобіяй, трансфобіяй і біфобіяй (IDAHOBIТ).

Адчуваеце фобію толькі ад адных гэтых тэрмінаў?) Давайце разбірацца.

Гамафобія/трансфобія/біфобія — негатыўныя ўстаноўкі і ірацыянальны страх да гамасэксуальных, трансгендарных і бісэксуальных людзей адпаведна.

Асноўная мэта гэта дня — звярнуць увагу на парушэнне правоў вялікай колькасці людзей і, як вынік, спыніць дыскрымінацыю і стыгматызацыю, надаць роўныя правы КОЖН_АЙ.

Чаму менавіта 17 траўня? У гэты дзень у 1990 годзе Сусветная арганізацыя аховы здароўя (СААЗ) выключыла гамасэксуальнасць са спіса псіхічных захворванняў. Толькі ўдумайцеся: да 1990 ты мог лічыцца псіхічна хворым толькі праз тое, што кахаеш не таго ці не тую! Бррр

Аднак з таго часу, нажаль, сітуацыя не надта палепшылася. Напрыклад, генпракуратура Беларусі падрыхтавала законапраект, які па словах генпракурора А. Шведа прадугледжвае адказнасць за «прапаганду ненармальных адносін, педафіліі, добраахвотнай адмовы ад дзяцей». Праект закона зараз знаходзіцца на ўзгадненні.

«Кропка» далучаецца да адзначэння гэтай даты. Мы лічым, што дэмакратычныя змены ў грамадстве магчымы толькі пры роўных правах для ўсіх людзей.

#карысна_ведаць