У чаканні сустрэчы з Паўлам Севярынцам у Беларускім ЗамкуУжо заўтра — у пятніцу, 13 лютага, а 19:00 …

У чаканні сустрэчы з Паўлам Севярынцам у Беларускім Замку

Ужо заўтра — у пятніцу, 13 лютага, а 19:00 — у Замку адбудзецца сустрэча з
Паўлам Севярынцам — лідарам Беларускіх Хрысціянскіх Дэмакратаў, былым палітвязнем і адным з самых вядомых дзеячаў беларускага руху.

Пакуль мы рыхтуемся да размовы, нашы актывісты ўжо склалі спіс пытанняў, якія хацелі б абмеркаваць:

Пытанні да Паўла Севярынца:

1. Чый Крым?

2. Ці паўплывалі гады за кратамі, жудасныя ці выключныя абставіны на Вашу сённяшнюю пазіцыю і дзеянні?

3. Навошта казаць пра загадзя не здзяйсняльныя рэчы — напрыклад, пра аб’яднанне Пазняка і Калеснікавай?

4. Вакол чаго або каго могуць аб’яднацца беларусы: вакол чалавека, партыі ці вакол ідэі?

5. Хто сёння з’яўляецца лідарамі дэмакратычнай апазіцыі і мае рэальны ўплыў сярод беларусаў?

6. Ці лічыце Вы вартым прыслухоўвацца да людзей, якія не ведаюць, чый Крым, і лічаць старога вусатага блазна сумленным і ўмоваздольным? (Хацелася б пачуць не фармальны адказ, а асабістую пазіцыю.)

7. Беларусь — краіна хрысціянская. Ці плануеце Вы пашыраць кола сваіх прыхільнікаў, ці Вам камфортна ў межах БХД?

8. Калі крыху памарыць: якія крокі прывядуць да дэакупацыі Беларусі і што пры гэтым павінны рабіць беларусы ў замежжы і ўнутры краіны?

Вы таксама можаце далучыцца да фарміравання спісу пытанняў. Пакідайце свае пытанні ў каментарыях да гэтай публікацыі.

Чакаем на шчырую і адкрытую размову!

Жыве Беларусь!