1-я Нядзеля Вялікага посту, ПраваслаўяЯн. 1, 43-51У сённяшнім Евангеллі Натанаэль прызнае Ісуса Сына…
Ян. 1, 43-51
У сённяшнім Евангеллі Натанаэль прызнае Ісуса Сынам Божым і Валадаром Ізраіля. Падобна Натанаэлю, як толькі мы робім выбар на карысць Ісуса, як толькі мы вызначаем, што Ён — найвышэйшае дабро, тады кожны іншы прэтэндэнт на вяршэнства павінен адысці. Кожны з нас мае пэўны набор каштоўнасцей, якія мы лічым найвялікшымі. Ёсць пэўны цэнтр прыцяжэння, вакол якога круціцца ўсё астатняе.
Магчыма, гэта грошы і матэрыяльныя рэчы. Магчыма, гэта ўлада і становішча. Магчыма, гэта прызнанне з боку іншых. Магчыма, гэта ваша краіна, ваша палітычная партыя ці ваша этнічная ідэнтычнасць. Магчыма, гэта ваша сям’я, вашы дзеці, ваша жонка ці ваш муж.
Нішто з гэтага не з’яўляецца памылковым, і ніводная з гэтых рэчаў не з’яўляецца дрэннай. Аднак калі вы ставіце што-небудзь з гэтага ў абсалютны цэнтр прыцяжэння, усё ідзе наперакос. Калі вы робіце што-небудзь з гэтага сваім канчатковым ці вышэйшым дабром, ваша духоўнае жыццё разбураецца. Калі вы прывязваецеся да чаго-небудзь з гэтага з абсалютнай упартасцю, вы самі пачнеце распадацца.
Bishop Robert Barron