By Belkorpus Хоць святыя ў літургічным календары ў асноўным падпадаюць пад пэўную катэгорыю (мучанікі, прыпадобныя, свяціцелі і г.д.), Ёў выходзіць за рамкі ўмоўнасцей гэтага падзелу. А там, дзе ў памяць пра святога адзначаюць яго заслугі, Ёў называецца шматпакутным.
Сапраўды, кніга Ёва пра пакуты, і яго ўласная заслуга, верагодна, у тым, што ён дапамог чалавеку Старога Запавету, і нават сёння працягвае дапамагаць чытачу Бібліі зірнуць на іх па-новаму.
Сама Кніга Ёва адносна новая ў параўнанні з астатнім канонам. Большасць даследчыкаў адносяць яе да паслявавілонскага перыяду — пасля 536 г. да Хрыста. Некаторыя часткі былі дададзены пазней, некаторыя раней, але ў цэнтры ўсіх іх — гісторыя чалавека з зямлі Уц, шчырага і праведнага, які баяўся Бога і цураўся зла (пар. Ёў 1:1).