By Belkorpus 
21 лютага – памяць сьв. Яўстаха, архібіскупа Антыяхійскага
Сьвяты Яўстах паходзіў з Памфіліі ў Малой Азіі, вельмі добра знаёмы са сьвецкімі і багаслоўскімі навукамі.
Спачатку быў біскупам у Сірыі, пасьля паводле рашэньня Айцоў Сабору ў Нікеі (325) пераведзены ў Антыёхію.
Удзельнічаў у Саборы, вусна і пісьмова змагаўся з гарэзіяй Арыя. Гэтая руплівасьць выклікала нянавісьць некаторых біскупаў-арыянаў, якія сабраліся на памесным Сінодзе ў Антыяхіі і пазбавілі яго пасаду, выслаўшы ў Тракію.
На выгнаньні біскуп нястомна змагаўся за чысьціню веры.
Яму не дазволілі вярнуцца ў Антыёхію, ён памёр на выгнаньні на Філіпах у 337 годзе. Толькі праз шмат гадоў ягонае цела перанесьлі ў Антыёхію.