By Belkorpus 
26 лютага – памяць сьв. Парфіра, біскупа Газы.
Сьвяты Парфір нарадзіўся каля 347 году ў Тэсалоніках у Македоніі ў шляхетных і заможных бацькоў.
Пакінуў сваю бацькаўшчыну і выправіўся ў Егіпет, пасьля ў пустэлю Скіт, дзе пад кіраўніцтвам старца на працягу пяці гадоў вёў аскетычнае жыцьцё, якое мае на ўвазе спаўненьне прыказаньняў, унутраную барацьбу са страсьцямі і набыцьцё цнотаў.
Праз пяць гадоў прыбыў у Ерусалім, дзе многіх людзей навярнуў сваімі словамі, за што Ерусалімскі патрыярх высьвяціў яго на сьвятара і зрабіў яго адным са сваіх супрацоўнікаў.
У 395 годзе стаў біскупам Газы. Усе свае сілы сьвяты Парфір пакладаў на ўмацаваньне ў веры сваёй паствы і навяртаньне язычнікаў да веры ў праўдзівага Бога.
Памёр 26 лютага 420 году.