+21 мая – успамін святога Заснавальніка Місіянераў Аблатаў Беззаганнай Дзевы Марыі+=Супольнасць Місі…

+21 мая – успамін святога Заснавальніка Місіянераў Аблатаў Беззаганнай Дзевы Марыі+
=Супольнасць Місіянераў Аблатаў Беззаганнай Дзевы Марыі ў Беларусі віншуем са святам іхняга Заснавальніка – св. Яўгена дэ Мазэно.
Дзякуем Госпаду за служэнне Місіянераў Аблатаў у Беларусі, дзякуем беларускім Аблатам за іхнюю братэрскую салідарнасць і падтрымку, якую аказваюць святарам і вернікам Беларускай Грэка-каталіцкай Царквы.
Асабліва падзяка за традыцыйную шматгадовую нястомную гасціну, якую Айцы Аблаты аказваюць у Шуміліне ўдзельнікам грэка-каталіцкай Пілігрымкі Віцебск – Полацк.
***
Віншуем так сама ды ўзгадваем у малітве Пачэснага айца Андрэя Мадэя, які нясе адказнае служэнне Супэрыёра Місіі ў Туркменістане (Missio sui iuris – Місія свайго права).
Як душпастыр у Санктуарыі Маці Божай у Кодані на Падляшшы (побач нэа-унійнай парафіі ў Кастамлотых) а. Андрэй шмат гадоў (да 1997 г.) апякаў духова беларускіх пілігрымаў (у тым ліку і грэка-католікаў), што прыбывалі да санктуарыяў у Кастамлотах, Кодані ды Лесьнай Падляскай. (У міжваенны час Айцы Аблаты служылі у нэа-унійнай парафіі ў Кодані).
=Пачэсным Айцам Аблатам жадаем Божага блаславення “на многія і шчасныя леты!”=
+архім. Сяргей, МІС