By Belkorpus Кожны павінен атрымаць магчымасць браць на сябе адказнасць у працэсах аздараўлення грамадства, часткай якога з’яўляецца. Нярэдка палітыкі ігнаруюць голас і мудрасць народа: хочуць працаваць для народа, але не з народам.
Каб выйсці з крызісу лепшымі, трэба ажыццяўляць прынцып субсідыярнасці, ставячыся з павагай да аўтаноміі і ініцыятыўных здольнасцяў кожнага, асабліва самага апошняга. Усе часткі грамадства неабходныя, і, як кажа св. Павел, тыя з іх, якія могуць здавацца слабымі і менш важнымі, на самой справе больш патрэбныя.
Сапраўды, няма сапраўднай салідарнасці без удзелу ў жыцці грамадства, без укладу прамежкавых груп: сем’яў, асацыяцый, кааператываў, малых прадпрыемстваў, грамадзянскай супольнасці. Усе павінны рабіць свой унёсак.
Папа Францішак