У Калодзішчах затрымалі групу мігрантаў. У адным з дамоў аграгарадка знайшлі 14 іншаземцаў без дзеюч…

У Калодзішчах затрымалі групу мігрантаў. У адным з дамоў аграгарадка знайшлі 14 іншаземцаў без дзеючых віз: 8 пакістанцаў, 3 афганца, 2 непальца і 1 грамадзянін Індыі.

Усе патрапілі ў Беларусь праз Расію. Пра іх далейшыя планы пакуль нічога не вядома. Але здагадацца не складана.

У гэты ж час моцныя маразы спынілі спробы іншаземцаў нелегальна прарвацца ў ЕС. Некалькі дзён запар гэта адзначаюць памежнікі Літвы, Латвіі і Польшчы.