Мінск гатовы да дыялогу з НАТА, нягледзячы на напружанасць Прадстаўнік Мінабароны Беларусі Валерый Равенка прызнаў, што ўзаемаадносіны Мінска з краінамі-членамі НАТА з’яўляюцца “вельмі праблематычнымі”.
Паводле яго слоў, гэта звязана з тым, што Захад нібыта імкнецца падпарадкаваць Беларусь сваім інтарэсам і бачанню бяспекі ва Усходняй Еўропе. Тым не менш, чыноўнік падкрэсліў, што Мінск працягвае кантакты з Захадам і выступае за “канструктыўнае ўзаемадзеянне” з краінамі альянсу. Разам з тым, Равенка абвінаваціў дзяржавы НАТА ў тым, што іх палітыка накіравана на абвастрэнне і “падрыхтоўку да вайны”. Беларусь, як сцвярджаецца, “гатовая чуць пазіцыю краін НАТА” для зніжэння напружанасці.
