By Belkorpus Новая ініцыятыва – стварыць пасаду “амбудсмена па Беларусі”. Натуральна, намаганьнямі ОСТ, Кабінэту, КР. Новы офіс, штат памочнікаў. Аплата працы, выправы. Праваабарончыя арганізацыі не ўцямяць навошта тое.
Адказ просты – на праваабарончую дзейнасьць грошы даваць будуць і надалей. Значыць трэба “забіць сабе нішу”. Стварыць адпаведную структурку з новаю назвай.
І маем – пролільныя памочнікі “нацыянальнага лідара” + кабінэт (падпарадкаваны “нацыянальнаму лідару”) + офісы дэмсілаў у розных краінах + КР (падкантрольная “нацыянальнаму лідару”). Будзе яшчэ і амбудсмен. Адным словам, штат супрацоўнікаў, памагатых расьце.
Адно што папулярнасьць ды ўплыў сплываюць. Але тое дробязь – можна ж надалей казаць пра статус таго самага “нацыянальнага лідара”.
А можна было б проста паспрабаваць увесьці нешта кшталту KPI. Не ў фармаце “колькасьці сустрэчаў” і “паднятых пытаньняў” а вырашаных кейсаў, практычных (якія можна памацаць) рэзультатаў. Можна, ды ня трэба, бо грамадзе памочнікаў, кансультантаў, дэлегатаў, прадстаўнікоў, “міністраў” ды іншых неяк няўтульна стане.