By Belkorpus Учора палата прадстаўнікоў ухваліла законапраект аб пазбаўленні беларусаў, якія знаходзяцца за мяжой, грамадзянства за «экстрэмісцкую дзейнасць». «Белсат» разбіраўся, што з гэтай нагоды робяць дэмакратычныя сілы, куды звяртацца беларусам і пры чым тут прапагандысты.
Народныя амбасады Беларусі таксама далі сваі парады беларусам, у якіх адбяруць грамадзянства, і гатовы ім дапамагаць.
Прадстаўнікі ініцыятывы распавялі «Белсату» на некаторых прыкладах, што рабіць і куды звяртацца.
Напрыклад, у Польшчы можна атрымаць праязны дакумент для замежніка або жэнеўскі пашпарт: трэба прасіць міжнародную абарону або прытулак. Народныя дыпламаты кажуць, што польскія ўлады, хутчэй за ўсё, будуць лічыць сам факт пазбаўлення грамадзянства падставаю для легалізацыі.
У Літве таксама выдаюць пашпарты замежніка, але трэба быць у краіне з гуманітарных прычынаў. У хадайніцтве пазначаецца абгрунтаванне, што асоба не мае магчымасці звярнуцца ў афіцыйную амбасаду. «Абавязкова мусіць быць ліст-паручальніцтва ад «Freedom House», які яны шлюць у Міністэрства замежных справаў, і спаборніка гуманітарнага статусу ўлучаюць у спісы, якія потым перасылаюцца ў міграцыйныя службы.
У Грузіі таксама прадугледжаная працэдура выдачы дарожных пашпартоў і праязных дакументаў для асобаў без грамадзянства, уцекачоў ці тых, хто застаецца ў краіне з гуманітарных прычынаў.
У Чэхіі гатовыя выдаваць беларусам-неграмадзянам праязныя дакументы: і тым, хто стала там жыве, і тым, хто з часовым відам на жыхарства альбо візаю. «На чэшскія дазволы на пражыванне факт пазбаўлення грамадзянства Рэспублікі Беларусь не будзе мець уплыву», – запэўнілі Народную амбасаду ў Міністэрстве ўнутраных справаў Чэхіі.
Больш падрабязна па спасылцы.
Пытанне з пазбаўленнем грамадзянства, выдадзенага па нараджэнні, у сусветнай практыцы сустракаецца не часта, і не ўсе краіны маюць працэдуры, як дзейнічаць у такой сітуацыі. Але Народныя амбасады працягваюць інфармаваць урады розных краін аб складанасцях, з якімі, магчыма, давядзецца сутыкнуцца, для падрыхтоўкі адпаведных дзеянняў.
Народныя амбасады гатовыя адказваць на пытанні і дапамагаць з інфармацыяй:
Публічны чат для зносін, сувязі з прадстаўнікамі НА і аказання інфармацыйнай падтрымкі (памятайце аб лічбавай бяспецы):
@PEofBelarus_chat
Ананімна і бяспечна звязацца з намі можна праз чат-бот:
@PEofBelarus_Bot
Альбо праз электронную пошту:
[email protected]