By Belkorpus Фонд салідарнасці BYSOL распачаў тэрміновы збор на пахаванне палітвязня Мікалая Клімовіча, які памёр у зняволенні ў віцебскай калоніі № 3.
Мікалай Клімовіч меў інваліднасць II групы па сэрцу, і так званы суддзя Андрэй Бычыла, і так званы пракурор Ілля Гузарэвіч, якія вынеслі мужчыне прысуд у адзін год калоніі за карыкатуру на Лукашэнку, цудоўна гэта ведалі.
У апошнім слове палітвязень казаў: «Любы турэмны тэрмін для мяне — смерць, таму што я павінен знаходзіцца пад сталым назіраннем лекара, прымаць шмат моцнадзейных прэпаратаў. Я магу не пратрымацца і месяцы».
У калоніі Мікалай прабыў каля двух тыдняў. Яму быў 61 год.
Патрымаць збор на пахаванне Мікалая Клімовіча можна тут
Неабходная сума пойдзе на пакрыццё выдаткаў звязаных з пахаваннем і пашанай памяці Мікалая.
Нагадаем, што з Беларусі на сайт BYSOL трэба заходзіць толькі праз VPN.
У сувязі з абвінавачваннямі ў экстрэмізме, каманда фонду BYSOL заклікае выкарыстоўваць для пералічэння сродкаў карткі еўрапейскіх банкаў, альбо данаціць праз міжнародную сістэму PayPal (але не праз прывязаныя карткі).
BYSOL распачаў тэрміновы збор на пахаванне палітвязня Мікалая Клімовіча
У калоніі Мікалай прабыў каля двух тыдняў. Яму быў 61 год.