By Belkorpus 21 траўня 2021 года Вiтольд Ашурак памёр у шклоўскай калонii…
“Прайшло 2 гады. Мы дагэтуль не маем магчымасьцi вызваліць палітвязняў. Але ў нас з’явiлася першая надзея на iх вызваленне праз тое, што навакольны сьвет стаў чорна-белым з-за вайны. I стала дакладна бачна, хто свой, а хто вораг. Гэта не пра распальванне варожасьцi, гэта пра ўсьведамленне таго, што са злом не дамовiшся, а мусiш толькi зброяй прымусiць яго спынiць гвалт.
Беларускiя дабраахвотнiкi, якiя з лютага 2022 году ваююць на баку Ўкраiны — гэта i ёсць першая падстава нашай надзеi, бо яны кожны дзень сваёй мужнасьцю даказваюць, што здолеюць стаць на чале вызвольнага паходу на Беларусь. Другая падстава — мабiлiзацыя беларусаў з мэтай зменаў да дэмакратыi ў Беларусi. Гэта проста пра тое, што свабода = адказнасць. Мы мусiм агульнымi намаганнямi спрыяць таму, каб адбылося вызваленне краiны ды розумаў яе грамадзян.
Вызваленне Беларусi – мэта на ўскрайку далягляду, да якой можна дайсьцi, калi зразумець, якiм шляхам крочыць ды пачаць iсцi. Стварэнне вайсковай моцы ды згуртаванне грамадства (так, гэта ўсе мы – у Беларусi, па ўсiм сьвеце, для каго «люблю Беларусь» не проста словы). Таму нам падаецца, што падтрымаць данатам нашых дабраахвотнікаў — самы просты першы крок для кожнага, каб падцвердзiць, што ўсе iх высiлкi ды ахвяры не дарэмныя i мы вартыя той будучай свабоды!”
На данны момант сабрана больш за палову (26 240 zł з неабходных 50 000 zł). Да заканчэння збора засталося ўсяго 38 дзён.