Kraina Media і RAZAM пры падтрымцы Федэральнага міністэрства замежных справаў Германіі абвяшчае набор на адукацыйную праграму для спецыялістаў медыя і тых, хто зацікаўлены ў стварэнні і прасоўванні беларускага медыя-кантэнту.
Праграма дае магчымасць аплаціць транспарт, пражыванне, а таксама атрымаць сутачныя на час знаходжання удзельнікаў у Германіі.
На працягу 2023 года будуць арганізаваныя тры паездкі ў Германію: – 03 верасня — 09 верасня – 15 кастрычніка — 21 кастрычніка – 26 лістапада — 02 снежня Падчас гэтых паездак мы будзем сустракацца і абменьвацца вопытам з журналістамі вядучых медыя краіны, спецыялістамі, якія распрацоўваюць брэндынг.
Акрамя гэтага, мы будзем працаваць над пілотнымі праектамі і размаўляць з прадстаўнікамі арганізацый Усходняга партнёрства.
