Кіраўнік Місіі дэмакратычнай Беларусі ў Бруселі Уладзімір Астапенка наведаў з працоўным візітам Нідэрланды, дзе правёў сустрэчы з дырэктарам дэпартаменту Еўропы МЗС Эрыкам Вэстстратэ, кіраўніцтвам шэрагу аналітычных цэнтраў у Гаазе і Амстэрдаме, а таксама з прадстаўнікамі беларускай дыяспары.
У знешнепалітычным ведамстве Нідэрландаў абмяркоўваліся пытанні: прававога статусу грамадзян Беларусі на тэрыторыі Нідэрландаў; падалейшай ізаляцыі рэжыму; магчымасцяў міжнароднага правасуддзя ў Гаазе як сталіцы міжнароднага права.
Падчас сустрэчы з актывам дыяспары ўздымаліся пытанні падтрымкі і заахвочвання беларускай ідэнтычнасці, што дазволіла скаардынаваць планаванне сумесных акцый дыяспар на тэрыторыі Бенілюкса.
