Мітынг ля амбасады Расіі ў Вільні9 траўня – дзень, калі ў Расіі і Беларусі святкуюць перамогу.Але ш…

Мітынг ля амбасады Расіі ў Вільні

9 траўня – дзень, калі ў Расіі і Беларусі святкуюць перамогу.
Але што гэта за “перамога”, калі пад яе лозунгамі сёння забіваюць людзей?

Каму прыходзіць:
Усім, хто супраць вайны і пуцінскага рэжыму.
Не важна, на якой мове ты размаўляеш – важна, на чыім ты баку.

Навошта прыходзіць:

Каб вярнуць 9 траўня сапраўдны сэнс.
Саюз Сталіна і Гітлера ў 1939 годзе прывёў да пачатку Другой сусветнай вайны.  Сталін – не пераможца, а суаўтар вайны.
Пуцін – яго ідэалагічны спадчыннік. Ён паўтарае тую самую мадэль: дыктатура, вайна, культ, страх.

Каб выказаць падтрымку Украіне і нагадаць:
Вайна – гэта не гонар, а боль.
Гэта забітыя і скалечаныя дзеці.  Гэта мірныя людзі, у якіх больш няма дома. Гэта назаўжды разбураныя жыцці сотняў тысяч.

Каб не быць у адзіноце.
Калі ты з’ехаў, стаміўся, замкнуўся – ты не адзін.
Тут будуць тыя, хто адчувае, думае і дужаецца, як ты.

Каб нагадаць:
У Вільні да гэтага часу стаіць вялікае і прыгожае пасольства Расіі.
Са сцягам, гербам, аховай. Нібы нічога не здараецца.

Мы выходзім, каб сказаць: адбываецца!
Мы бачым. Мы не маўчым. Хай у тых, хто за плотам, не будзе ілюзіі, што “ўсе вакол – нейтральныя”.

9 траўня
18:00
Амбасада РФ у Літве/ Сквер Барыса Нямцова | Ukrainos Didvyrių g. 2 / Latvių g. 53A, Вільня

Беларусы Замежжа | Даслаць навіну