Улада павінна перайсці ў рукі народа. 30 кастрычніка адбудзецца II Сусветны Кангрэс Беларусаў, які п…

Улада павінна перайсці ў рукі народа.
30 кастрычніка адбудзецца II Сусветны Кангрэс Беларусаў, які пройдзе ў анлайн-фармаце

https://youtu.be/8W64CbYvjjE

Мэта II Сусветнага Кангрэсу Беларусаў – абмеркаваць важныя для нас тэмы, паказаць, што мы разам, мы сіла, і мы зможам дамагчыся рэалізацыі той мары, якая жыве ў кожным з нас. Сёння мы пішам гісторыю, якая стане гісторыяй нацыі – беларускага народа, і мы павінны прыняць адказнаць за гэта.

Тэмы і экспертаў, якія іх абмяркуюць, выбіраеце вы – праз спецыяльную форму на сайце Кангрэсу. Вы можаце як прапанаваць, што абмеркаваць, так і вырашыць, чые думкі хочаце пачуць падчас мерапрыемства.

Прапаную абмеркаваць і акрэсліць галоўныя інструменты і дзеянні, якія прывядуць нас да Новай Беларусі:

• мэтазгоднасць стварэння інстытутаў народнай улады;

• дасягненне міжнароднага непрызнання Лукашэнкі і яго ўрада;

• вызначэнне прававога статусу дыктатара і яго памагатых, як злачынцаў;

• падрыхтоўка Усебеларускага страйку;

• пашырэнне актыву беларусаў як унутры, так і за мяжой, выкарыстоўваючы платформу плана «Перамога»;

• пашырэнне форм мірнага пратэстнага руху;

• супрацьстаянне пагрозе паглынання Беларусі Расеяй.

Важна, каб на Кангрэсе былі зацверджаны рэзалюцыяй стратегічныя накірункі.

Дзякую арганізатарам і запрашаю ўсіх беларусаў да ўдзелу. Жыве Беларусь!